Временска прогноза: Облачно со повремени врнежи од дожд

Времето денеска во Македонија ќе биде облачно со повремени врнежи од дожд, а на планинитe снег, особено претпладне. Во текот на денот врнежите ќе престанат, а нови врнежи ќе има во ноќните часови кон четврток.

Минималната температура ќе се спушти до 1 степен, а максималната ќе достигне 11 степени.

Во Скопје облачно, претпладне со врнежи од дожд.

Во четврток ќе се задржи облачно време со повремени врнежи од дожд, а на планините од снег. Поради спуштање на постудена воздушна маса од север во текот на денот врнежите ќе преминуваат во снег и на некои од повисоките места. Долж Повардарието ќе почне да дува засилен северен ветер кој ќе продолжи и во петок. Од петок времето ќе биде стабилно со пониски утрински температури.

Дума.мк