ЦУК: 1.627 повици на 112, десетина пожари на отворено во последното деноноќие
![](https://duma.mk/wp-content/uploads/2024/01/bb-1-8.webp)
Центарот за управување со кризи, информира дека во последното деноноќие имало вкупно 1.747 повици на Единствениот број за итни случаи 112, од коишто „реални“ повици биле 39,40%, а 60,60% биле за други потреби на граѓаните што не биле итни.
-Кон Полиција биле упатени 48,56%, кон Итната медицинска помош 41,97%, кон пожарникарите 8,65%, а кон АМСМ 0,41% од реалните повици кон 112 во ЦУК. Повици за итни случаи на 112, што се вкупен збир од тие што биле за комбинирано решавање од „реални“ повици 0,41% со другите 60,60% што се именувани како „неитни повици“, биле на број 987 и биле предмет на примање, на обработка во ЦУК, а и на директно координирање за нивно решавање. Тоа се остварува преку дежурните оперативци во Секторот Е-112 во содејство со Секторот за операции и координација (СОК). За дел од повиците, секако, се постапува според стандардните оперативни процедури во координација паралелно и истовремено со повеќе ангажирани институциите во Системот за управување со кризи (СУК), согласно природата на пријавените „реални“ итни случаи, додаваат од ЦУК.
Регионалните центри за управување со кризи информираа дека во државата се уште има „зимски викенд“ пожари на вегетација на отворено, како што ги имало во саботното, така и во последното неделно деноноќие имало десетина пријавени.
-Регионалниот ЦУК Скопје, известува од БППЗ на Град Скопје од 14:30 до 16:20 часот, со 3 пожарникари и 1 ПП возило гаснеле запалено стрниште на површина од 5.000 м2 во с. Побожје (Општина Чучер Сандево) и од 16:25 до 17:5 часот, со 3 пожарникари и 1 ПП возило гаснеле запалена нива на површина од 500 м2 во с. Петровец (Општина Петровец), а имале уште (4) четири други помали интервенции. Регионалниот ЦУК Струмица, известува дека пожарникарите од ТППЕ Гевгелија од 10:55 до 12:00 часот, со 1 ПП возило и 2 пожарникара интервенирале на запалена ниска вегетација и „прнар“ кај с. Црничани (Општина Дојран) и од 14:15 до 15:00 часот, со 1 ПП возило и 2 пожарникара интервенирале на запалена депонија кај с. Негорци (Општина Гевгелија). Регионалниот ЦУК Велес, известува дека пожарникарите од ТППЕ Велес од 14:00 до 17:00 часот, со 1 ПП возило, 3 пожарникари, заедно и со 5 вработени од ЈП „Национални шуми – подружница Бабуна“- Велес интервенирале на запалена нискостеблеста деградирана шума и мал дел смрека со површина од 5 хектари над езерото Младост. Пожарникарите од ТППЕ Свети Николе, од 11:30 до 12:20 часот, со 3 пожарникари и 1 ПП возило интервенирале на запалени кушишта лозови гранки кај с. Криви Дол (Општина Штип). Регионалниот ЦУК Штип, известува дека пожарникарите од ТППЕ Кочани од 12:45 до 15:00 часот, со 2 ПП возила, 4 пожарникари и 4 доброволци интервенирале на запалено стрниште со површина од 10 хектари во атарот на с. Теранци. Имале уште една помала интервенција. Пожарникарите од ТППЕ Пробиштип од 17:45 до 19:20 часот со 1 ПП возило и 3 пожарникари интервенирале на запалена ниска вегетација и стрниште со површина од 1 хектар кај с. Бучиште. Регионалниот ЦУК Битола, известува од ТППЕ Прилеп дека во изминатото деноноќие имале три помали интервенции, додаваат од ЦУК.
Дума.мк
![](https://duma.mk/wp-content/uploads/2021/05/SEMM.jpg)