Длабока Џеновска циклонска активност ни носи чести и обилни врнежи
Објавено: 11 февруари, 2026, во 09:14 часот
„Под влијание на длабока циклонска активност со центар над Џеновскиот залив која постојано ќе се обновува и ќе го проширува нејзиното влијание до нашиот дел од Европскиот Континент до самиот крај од седмицава во Македонија ќе имаме честа појава на повремени врнежи од дожд кои повремено ќе бидат обилни и поројни, особено за време на викендот, кога ќе бидат проследени и со локална појава на грмежи. На повисоките планини со надморска височина од над 1400/1500 метри ќе има врнежи од дожд и од снег или врнежи од влажен снег.
Повремено ќе дува засилен ветер од јужен и од југоисточен а во петок на 13 февруари 2026, особено во Повардарието и во југоисточните предели од Македонија, повремено ќе дува засилен ветер од северен и од северозападен правец. Во погоре споменатиот период локално повторно ќе наврне големо количество на воден талог и тоа над 40 литри на метар квадратен воден талог.
Што се однесува до температурите поради јужното воздушно струење до недела 15 февруари температурите ќе бидат високи за овој период од годината и над просекот па така во поголем дел од Македонија преку ден тие ќе се искачат или ќе надминат 10 степени а во Повардарието и во југоисточните предели близу 20 степени.
Заладување на времето и продор на ладен воздух од север очекувам во текот на ноќта недела кон понеделник 15/16 февруари,“ соопшти метео прогнозерот Славчо Попоски.
Дума.мк
