Повторно двоцифрен број на новозаразени велешани од коронавирус, пет оздравени и еден починат сограѓанин
Објавено: 15 октомври, 2020, во 17:11 часот
15.10.2020
10 новозаразени и пет оздравени велешани се регистрирани во изминатите 24 часа од коронавирус. Починат е и велешанец на 67 годишна возраст. Уште двајца пациенти ја изгубија битката со опасното заразно заболување во вардарски плански регион.
Тоа се Светиниколчанец на 69 годишна возраст и Неготинец на 55 години.
Новозаразени се и девет граѓани на Свети Николе, четири на Кавадарци како и пет на Неготино.
Денеска Институтот за јавно здравје регистрира пет оздравени велешани, двајца пациенти од Кавадарци, тројца од Свети Николе и двајца од Неготино.
