Црна Гора предложи воведување на значки за вакцинирани угостители
Објавено на 9 април, 2021 во 08:33
09.04.2021
Претседателот на Комисијата за заштита и унапредување на здравјето на граѓаните на Подгорица, Небојша Кавариќ, предложи денес сите туристички организации и угостителски објекти да воведат беџ за келнери, готвачи, рецепционери и друг персонал кои се вакцинирани, така што гостите и туристите можат да видат дека се безбедни.
Кавариќ за ТВ Црна Гора изјави дека ова е право и обврска и дека е потребно да се мотивираат сите учесници во туристичкиот сектор да се вакцинираат, бидејќи Црна Гора живее од туризам.
„Значи, тие мора да бидат мотивирани така што опфатот на вакцинираните туристички работници да биде што е можно поголем, по можност 100 проценти“, рече Кавариќ.
