Изложба на фотографии од професионалниот живот на Тоше Проески во Кавадарци
Објавено на 18 ноември, 2021 во 11:08
Изложба на професионални фотографии на коишто е фотографирана македонската музичка легенда Тоше Проески ќе биде отворена во Галерија при дом на култура „Иван Мазов – Климе“ во Кавадарци.
Оваа изложба е организирана од страна на Спомен куќа „Тоше Проески“ Крушево во соработка со Дом за култура во Кавадарци и е дел од „Кавадаречка културна есен 2021“.
Отворањето на изложбата ќе се одвива според сите предвидени протоколи за Ковид-19, секој посетител треба да има Сертификат за примени две дози на вакцина против коронавирусот и бројот на присутни е 50% од предвидениот простор.
Изложбата ќе биде отворена, петок, 19 ноември 2021 година, со почеток во 13:00 часот.
Стефани Манева
Поврзано:
