Донирани 25 кутии со адаптирано млеко во прав на велешка болница

Вкупно 100 пакети со адаптирано млеко во прав, спакувани во 25 кутии, беа донирини во ЈЗУ Општа болница Велес, денеска, од страна на волонтерите на велешки Црвен Крст .

„Донацијата доаѓа од „DM Дрогерија“. Оваа компанија традиционално пред крајот на годината донира од својата палета на производи за одредени категории на граѓани. Овој пат тоа е млеко за дечињата од болницата. На овој начин барем малку ќе помогнеме во нивниот побрз раст и развој“, стои во соопштението на Црвен Крст на РСМ Општинска организација Велес.

Донацијата преставува продолжување на добрата соработка помеѓу двете институции,  Црвен Крст и ЈЗУ Општа болница Велес, секојпат во интерес на граѓани, додаваат од велешки Црвен Крст.

Стефани Манева