Приведено едно лице од Софија поради објава на ксенофобични коментари поврзани со несреќата
Објавено на 25 ноември, 2021 во 11:42
Службеници на Генералната дирекција за борба против организиран криминал по добиен сигнал приведоа маж во Софија во врска со тешката сообраќајна несреќа со автобус на автопатот Струма, во која загинаа 45 лица, а уште 7 се повредени, соопшти бугарското МВР.
Тој на Фејсбук објавил коментари поврзани со инцидентот, кои не се во согласност со моралните и етичките норми.
Материјалите се пријавени во Окружното обвинителство на Софија за кривично дело од чл. 162 од Кривичниот законик – проповедање на омраза врз основа на националност преку информациски систем.
