Во сообраќајка кај велешка „Поројница“ повредени четири од кои тројца пациенти транспортирани на скопски клиники
Сообраќајната незгода се случила на автопатот Скопје –Велес, вчера, околу 18:10 часот, кога патнички автомобил „алфа ромео” со велешки регистарски ознаки, управуван од Х.А (38) од село Долно Јаболчиште излетал надвор од автопатот.
Во незгодата со тешки телесни повреди се здобиле сопатниците Џ.А (36) и Џ.А (68) исто така од село Долно Јаболчиште констатирани во Општа болница Велес додека со телесни повреди се здобиле К.С (20), В.С (48) и едно малолетно лице од село Горно Јаболчиште. Итна помош со две возила вршела транспорт од местото на сообраќајката до болницата.
Според портпаролката на ЈЗУ Општа болница Велес, др Елена Левкова Ќулумова прегледани и укажана помош им била на вкупно шест пациенти, учесници во несреќата.
„По направени прегледи, ренгенски и снимања на компјутер, двајца пациенти веднаш се пренесени на „Карил“ во Скопје. Еден од нив поради здобиени повреди на граден кош и втор со повреди на глава. Утрово на Клиниката за уво нос и грло е транспортирана и дваесет годишната жена кај која се констатирани здобиени повреди на носна коска и на лице. Останатите пациенти се задржани на посматрање на Хирушко одделение во велешка болница,“ додаде др Левкова Ќулумова.
Од СВР Велес соопштија дека увид на местото на сообраќајната незгода извршила полициска увидна екипа.
Убавка Јаневска