Афористичар Коки: „Моралот сеуште ни е на цена, во градот не постои ниту еден балкон – без гаќи“
![](https://duma.mk/wp-content/uploads/2023/10/Kokisologo.png)
Во неделниот афористички поглед на Никола Бошковски – Коки се нови шест афоризми инспирирани од секојдневниот живот на граѓаните. За творечка и релаксирана работна недела од Коки следново:
-Првата љубов е евергрин, сите останати се само хитови.
-Ве уверувам дека во нашето судство сеуште постојат чесни, одговорни и сериозни судии и адвокати, нив не можете да ги купите за смешни пари.
-Моралот сеуште ни е на цена, во градот не постои ниту еден балкон – без гаќи.
-Кога тагувате по загубата на својот животен сопатник,несомнено посакувате солзите да ви капат длабоко во внатрешноста на очите,за да неможе сонцето никогаш да ги пресуши.
-Наместо на девојката да и запее,пејачот и „свирна“, сега таа му пее на бебето.
-Постојат жени кои можете недвосмислено да ги поистоветите со мачките, не гледаат во кој скут предат.
КОКИ
![](https://duma.mk/wp-content/uploads/2021/05/SEMM.jpg)