Издумани Крлевизми: „Полтронот има доверба во шефот. Нема во себе!“

Афористичарот и сатиричар Атанас Крлевски за читателите на Дума.мк ги става на располагање следниве напишани 10 афоризми:

„Овцата ја седнаа во фотеља и… боде како да е овен!“

„Јас сум жена од доверба,“ рече гатачката.

„Ако пријателството е куќа, сите мои куќи се без клучеви.“

„Љубовта е пасош, а довербата виза за брак.“

„Полтронот има доверба во шефот. Нема во себе!“

„Ладна е како книга, ама не ја прочитав пред бракот.“

„И чекорот назад открива нови хоризонти.“

„Љубовта е болест со нејасни симптоми.“

„Мандатот живее подолго од довербата.“

„И волкот сит и овците на број! Паселе во туѓи ливади.“

Афористичар, Атанас Крлевски