Понеделнички афористички поздрав од Коки

Секој понеделник афористичаот Никола Бошков – Коки одвојува по шест нови афоризми за читателите на Дума.мк. Денешните со сигурност ќе предизвикаат насмевка на вашето лице. Уживајте:

-Евидентно е дека кај нас има многу селани, ама…не се адекватно распоредени.

-Колку и да се трудите, некои политичари не ќе успеете да ги опишете, зашто мнозина од нив се безлични.

-На многумина луѓе летувањето на море им причинува особено задоволство, затоа што тоа е нивниот вистински, заслужен одмор од брачните должности.

-Разговорот со интелектуалните и добронамерни луѓе, не ве прави да се чуствувате поголем и посилен, туку нежно поширок, природно и душевно обогатен.

-Таа беше толку срамежлива, што дури утрото се одважи да му каже дека е мажена.

-Девојки, не правете селекција меѓу чувствителните и емотивните, искрените и внимателните, шармантните и страствени момчиња: ќе останете не мажени.

Афористичар

Никола Бошков Коки