Гори и жито во пожар над село Уланци, крај Градско

Регионалниот Центар за управување со кризи Велес извести за пожар на отворен простор во атарот на село Уланци, во Општина Градско. Интервенира Територијалната противпожарна единица Велес со четири пожарникари и едно противпожарно возило. Зафатена е површина со сува трева и жито. 

Дополнително е побарана помош од страна на ТППЕ Велес со уште една екипа од четири пожарникари и едно противпожарно возило. Вкупно на терен интервенираат осум пожарникари со две ПП возила.

Дума.мк