ФОТО: Невреме во кавадаречко
Објавено на 29 април, 2014 во 14:51
Силен пороен дожд и град околу 16.30 часот ги зафати Кавадарци и околината. Градот кој паѓаше со големина на зрно леблебија ги испаничи лозарите и останатите земјоделски производители.
Тие стравуваат за годинашниов род, бидејќи како што велат рано започнаа врнежите од град, но за среќа градоносниот облак кратко се задржа над Кавадарци. Исплашени се и земјоделците од Росоман и Градско. И таму во моментов паѓа пороен дожд, а имало и врнежи од град. За евентуални штети допрва ќе се утврдува.
