Кавадаречките пензионери од јануари ќе користат бесплатен превоз
Објавено на 22 ноември, 2023 во 13:10
Од јануари, следната година, пензионерите од Кавадарци ќе можат да користат бесплатен превоз во одредени денови, соопштија од кабинетот на кавадаречкиот градоначалник Митко Јанчев.
Оваа одлука беше изгласана на 35-тата седница на Советот на Општина Кавадарци по барање на пензионерите. Бесплатниот превоз пензионерите ќе можат да го користат секој вторник, четврток, сабота и недела.
Градоначалникот Митко Јанев појасни дека субвенцијата произлегува од општината, од општинскиот буџет ќе се плати на јавното претпријатие за јавен превоз.
Советниците едногласно ја донесоа оваа одлука.
Дума.мк
