Се преврти камион кај Росоман, возачот тешко повреден

Со тешки телесни повреди се здобил 45 годишниот Ѓ.М од струмичкото село Бањица попладнево околу 18 часот во сообраќајна незгода на патот Градско – Прилеп кај Росоман.

Тој управувал товарно возило „Застава“ која се превртела на патот. Заедно со него биле и трите негови деца. Две од нив биле повредени, а едното минало без поведи.

Ѓ.М  имал скршеница на левата потколеница и по укажанта помош во кавадаречката болница е пренесен на лекување во Скопје, додека децата биле пуштени на домашно лекување.

За помош на настраданите во превртеното камионче интервенирале и пожарникари од ТПП Кавадарци.

Од полицијата ја потврдија незгодата и информираа дека на лице место увид извшрила полициска екипа од кавадаречката полиција. Причините за несреќата дополнително ќе се утврдуваат, а се претпоставува дека влажниот коловоз поради дождот може да допринел за превртување на возилото./Д.С