Татко под истрага за вршење полови дејства над малолетна ќерка
Објавено на 16 август, 2023 во 12:01
Основното јавно обвинителство Кавадарци донесе Наредба за спроведување истражна постапка против 42-годишник за кого постои основано сомнение дека подолг временски период вршел други полови дејствија над малолетната ќерка.
„Постои сомнение дека тој во повеќе наврати, во текот на 2022 и 2023 година, искористувајќи што со девојчето живеел во иста семејна заедница, и прикажувал видеа со порнографска содржина и кон неа продолжено вршел други полови дејствија, санкционирани во член 188 став 5 од Кривичниот законик,“ соопшти обвинителството.
По предлог на надлежниот јавен обвинител, судијата на претходна постапка од Основниот суд во Кавадарци определил мерка притвор во траење од 30 дена за осомниченото лице.
Убавка Јаневска