Тепачка во велешкото село Оморани и физички нападната жена од непознато лице во Кавадарци
Објавено: 22 април, 2020, во 13:23 часот
22.04.2020
Полицискиот билтен на Секторот за внатрешни работи Велес во изминатите неколку дена бележи една тепачка што се случила во петокот на 17 април во селото Оморани и еден физички напад над жена од Кавадарци, пријавен вчера, вторник, 21 април.
Тепачката за време на велигденските празници следела по претходна расправија помеѓу триесет и три годишниот З.С и седум години постариот Г.А. Во петокот на 17 април околу 20 часот бил физички нападнат од Г.А.
-Против напаѓачот ќе биде поднесена соодветна пријава, соопштија од СВР Велес.
Полицијата го расветлува и физичкиот напат над четириесет и четири годишната А.Ј од Кавадарци која во полициска станица, вчера, околу 17 часот пријавила дека на ул.„Браќа Хаџи – Тефови“ била физички нападната од непознато лице. Нападот се случил десет часа претходно, поточно утрината во 7 часот и 30 минути./У.Ј
