Полицијата казни 45 велешани,28 кавадарчани и 22 неготинци за не носење заштитна маска
Објавено: 18 јуни, 2020, во 11:45 часот
18.06.2020
За непочитување на Уредбата за носење на лична заштита казнети се вкупно 95 лица на територијата што ја покрива СВР Велес поточно 45 во Велес, 28 во Кавадарци и 22 во Неготино. Казните се изречени во последните два дена.
Исто така, денеска и вчера, според статистиката на полицијата 99 лица се во изолација и 52 се во самоизолација во Велес, Кавадарци и Неготино.
Со Решение за изолација од коронавирус има пет граѓани во Велес и четири во Неготино додека со Изјава за самоизолација има вкупно 12 нови лица од кои 11 во Велес и едно во Неготино.
Вкупно со Решение во изолација има 99 лица, од кои 62 во Велес, седум во Кавадарци и 30 во Неготино, а со Изјава за самоизолација има вкупно 99 лица, од нив 52 се во Велес, 32 во Кавадарци и 15 во Неготино.
– Од страна на полициски службеници извршени се контроли кај лица во изолација и самоизолација, при што, е утврдено дека сите ги почитувале овие мерки, рече Верољуб Додевски портпарол на СВР Велес./У.Ј
.
