По втор пат ограбена бензиската станица на Макпетрол кај семафорите, олеснета е за 84 илјади денари
Уште една кражба на бензинска пумпа на Макпетрол во Велес. Ограбена е станицата кај семафорите. Грабежот се случил рано утрово, дваесетина минути по четири часот. Двајца маскирани разбојници ја олесниле станицата за 84 илјади денари. Со фантомки на главите тие влегле во бензинската, со нож и се заканиле на вработената и ги одзеле парите.
Веднаш побегнале, а случајот бил пријавен во полиција. Од секторот за внатрешни работи велат дека работат на откривање на сторителите. На сличен начин, на крајот од минатата година, беше ограбена бензинската станица на Макпетрол, на влезот во градот. И тогаш двајца маскирани со фантомки со нож му се заканиле на вработениот и одзеле 43 илјади денари. Во септември лани беше ограбена бензинската станица кај Караслари. Маскирани разбојници украдоа 85 илјади денари. Две години претходно во истата станица, маскиран разбојник заканувајчи се со пиштол одзеде 11 илјади денари и 10 штеки цигари. На почетокот на минатата година мета на крадци беше и бензиската на автопатот, олеснета беше за 22 илјади денари. Инаку станицата кај семафорите претходно беше ограбена во 2006 година. Тројца разбојници одзедоа 250 илјади денари и 170 ваучери за мобилни телефони. Но тогаш беа нападнати и вработените. Инаку бензиските станици на Макпетрол се честа мета на крадците. Оние во Велес и околината ограбени се и по неколку пати. Но десега се уште не се откриени разбојниците. Резултати не дадоа ни безбедносните камери кои се поставени на самите објекти./Д.С
![](https://duma.mk/wp-content/uploads/2021/05/SEMM.jpg)