Submit to FacebookSubmit to Google PlusSubmit to TwitterSubmit to LinkedIn

Dr Vaskov fin

Почитуван, хуман, посветен професионалец и ценет од своите сограѓани се само неколкуте зборови на примариус Д-р Никола Стојанов со кој го опиша својот колега , народниот лекар Панче Николов Васков.

Д-р Панче Николов Васков е роден на 10 јуни 1870 година, во Велес, како четврто дете на Никола Васков. Бидејќи семејството Васкови немале своја куќа живееле во куќата на вујкото на Панче, Андреја Коробар, кој бил еден од организаторите на ВМРО. Панче се родил и со своето семејство живееле кај својот вујко во убавата куќа, во центарот на Велес, покрај новиот мост и кај поранешната стоковна куќа „НА - МА“. Панче од мали нозе покажувал интерес за учење и наука. По завршување на основно и Гимназија завршил во Солун.

Таму се запознал со Гоце Делчев и секогаш учествувал на револуционерните кружоци.

По завршување на Гимназијата Васков добил стипендија од велешката општина која му овозможила да се запише на Медицинскиот факултет во Цариград. Како студент се поврзал со револуционерната група на Ѓурин Љапов, кој бил поврзан со ерменското револуционерно движење. Во 1896 година, на денот кога му била врачена дипломата за завршен медицински факултет, д-р Панче Васков учествувал во ерменските демонстрации низ улиците на Цариград заедно со поробениот ерменски народ. Како млад лекар таму им помагал на повредените Ерменци.

Сепак, својата професионална служба ја започнал во Костур како градски и околиски лекар. Стекнал голема доверба и како лекар и како револуционер па граѓаните го избрале за претседател на Костур. Тука, под турски терор и грчка пропаганда, д-р Васков ги поставува основите на ВМРО. И успеал да ја ликвидирал грчката пропаганда во костурско. Поради својата револуционерна дејност , бил фатен и осуден од турските власти на доживотна робија потоа бил испратен во Мала Азија, во затворот Ќој-Џааз.

Издржувајќи ја затворската казна, од 1896 до 1900 година, д-р Васков успеал да се поврзе со прогресивното движење од овој дел на Турција. И таму како лекар многу им помагал на граѓаните кои кога стекнале впечаток дека меѓу нив има народен лекар многу го почитувале. Особено сиромашните граѓани. Д-р Панче Васков ги сопрел ширењето на епидемиите на чума и колера и постигнал резултати во искоренувањето на болеста лепра. Стекнал голем авторитет па властите му предложиле да остане како лекар, со висока плата и звање. За сите тие заслуги во 1900 година бил амнестиран од Султанот и под притисок на големите сили бил вратен во Велес.

VeleszavremenaDrVaskov fin

Така Д-р Васков по враќањето во Велес бил назначен за градски и околиски лекар. Негови големи заслуги се што одма се зафатил со искоренување на маларијата и туберколозата. Големи заслуги Васков има и за време на големата епидемија на колера и тифус во Велес, од 1910 до 1914 година, што тогаш беснеела на територијата на цела Македонија. Тој раководел со две болници и со натчовечки напори успеал да спаси повеќе илјади граѓани. За него немало работно време.

Како народен лекар се одликувал со морални особини. Ги лекувал сите, бил пријател и со сиромашниот турски народ иако, поради револуционерната дејност, тогашните бегови и аги, во велешко го прогонувале. Лекувал совесно и бесплатно. Ноќе и по неколку пати бил буден од граѓани со кој одел да им даде лекарска помош на болните. Поради алчноста на некои велешки чорбаџии не се дружел многу со нив. Се дружел со Петре Алчев, дрводелец, еден од водачите на социјалистичкото движење во Велес. За односот кон чорбаџиите примариус Д-р Стојанов, вели:

„При преглед на еден трговец, на заминување, тој на д-р Васков му дал свиткана една банкнота. Васков, без да види, механички, банкнотата ја ставил во џебот. Кога си дошол дома децата му ги пребарале џебовите барајќи бомбони. Кога ја нашле “банкнотата“ го прашале:
„Што е ова?“ а тој се се насмевнал и тивко рекол: „Наместо пари ми дал парчиња од весник!. Нека му служи на чест!“.

Доктор Васков не бил материјалист туку хуман човек. Затоа бил почитуван и ценет од сите Велешани. Потврда за ова е што не купувал имот, не трошел пари туку правилно ги воспитувал своите деца и вложувал во нивното образование. Неговото семејство продолжило да живее во куќата во која тој израснал, на вујко му Андреја Коробар но  ги воспитал своите деца да бидат чесни, хумани и да ја сакаат својата Македонија.

Бидејќи живеел и работел во револуционерно време во куќата на Коробарови често доаѓале Гоце Делчев, Даме Груев, Петре Поп Арсов, Ѓорче Петров. Во таа куќа по иницијатива на д-р Васков е формирана и „Првата македонска учителска комуна“ на прочуените петмина учители меѓу кои особено се истакнале Ристо Крстев од Радовиш, Димитар Битраков од Охрид, и Димитар Хаџи Динев од Дојран како и првото крштевање што го добил првиот социјалист на Балканот, познатиот велешанец Васил Главинов. Тоа се случубало додека д-р Васков паралелно со работата во болницата, домашните посети на Велешани исто така стигнувал да ги лекува и болните и ранети борци од велешките чети, нивно пренесување низ планините и давањето на информации за движењето на непријателот.

Со својата дејност продолжил и за време на СХС, како директор на болницата, за бугарско, во времето на Народно ослободителната борба и по ослободувањето на Македонија.

Д-р Панче Васков, како почитуван и ценет син на Велес, починал 1951 година. 

Неговото име заслужено го носи здравствениот објект што се наоѓа на левата страна во Велес во непосредна близина на автобуската станица.

И не само тој, д-р Панче Васков туку и неговите двајца браќа се познати во градот по своите револуционерни активности. Петар е познат водач на Одринското ослободително движење а Ордан бил еден од организаторите на отпорот против контра револуционерот битолскиот владика Глигориј.

Стоилко Андреевски

 

 

SEMM baner MK

Поврзани вести

KOZUVCANKA 2021 01

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново