Велешката полиција со превентивна вежба во ООУ „Блаже Конески“ (фото)

Отсекот за превенција заедно со Одделението за полиција при Сектор за внатрешни работи Велес во соработка со Црвен крст Велес, Територијалната противпожарна единица Велес и Итната медицинска помош на Здравствен дом Велес во ООУ „Блаже Конески“ реализираа показна симулациона вежба за евакуација од училиште, по претходно изготвено сценарио за пожар во објектот.

-На вежбата беа презентирани мерките за заштита и спасување и начинот на постапување на службите на терен при евентуално настанат пожар во училиште, информираше Биљана Ѓаковска портпаролка на СВР Велес.

Вежбата се одржа минатата недела и предизвика големо внимание од страна на учениците и наставниците во општинското основно училиште.

Убавка Јаневска

Фото галерија (превземено од МВР)