Велешките пожарникари безбедно пристигнаа во Турција и веднаш се пуштија во акција да спасуваат животи
![](https://duma.mk/wp-content/uploads/2023/02/330753996_1826202971097946_2376090589272034431_n-1024x846.jpg)
Добри вести пристигнуваат од Турција. Петте велешки пожарникари безбедно пристигнале во Адијаман, ноќва во 2.30 часот, кој е еден од најпогодените турски градови од разорниот земјотрес. Димче Јованов, Кире Диковски, Александар Јолдашев, Рамадан Адилов и Роберто Шакиров се петтемина велешки херои, кои се веќе на терен со останатите локални тимови.
![](https://duma.mk/wp-content/uploads/2023/02/330534004_1869309200069236_7737608402045763730_n.jpg)
Првиот човек на Велес, градоначалникот Марко Колев потенцира дека останувале во комуникација со нив за сите понатамошни информации и потреби за помош и соработка. „Нашите мисли и молитви остануваат со нив, да ги пречекаме назад во добро здравје“, изјави Колев.
![](https://duma.mk/wp-content/uploads/2023/02/330174564_1266161230665117_886730952708521488_n-1024x847.jpg)
За потсетување, петте велешки херои со едно возило и потребната опрема за заштита заминаа за Турција за да дадат дополнителна помош за настраданите во катастрофалниот земјотрес. Општина Велес пак, одвои 450.000 денари од буџетот и ги донираше за погодените земји од земјотресите.
![](https://duma.mk/wp-content/uploads/2023/02/330227181_563735325472654_6274594335615306751_n-1024x843.jpg)
Инаку, согласно последните информации осега загинаа повеќе од 22.000 луѓе. Повеќе од 7.000 хуманитарни работници од 61 земја се во Турција и помагаат во напорите за потрага и спасување по земјотресите во понеделникот, соопшти денеска турското Министерство за надворешни работи.
Вкупно 97 земји испратија помош и за Турција.
Дума.мк
![](https://duma.mk/wp-content/uploads/2021/05/SEMM.jpg)