Веселиот Дедо Мраз награди со играчки и пакетчиња 30 најмлади сограѓани, на забава на Ротари Клуб „Бели Мугри“ и Фондација „Фокус“(фото и видео)

Триесет најмлади велешанчиња ,повторно, годинава по 11 пат, два часа играа, пееја и се забавуваа во игротека. Сите тие беа добри,послушни,мирни и носеа дома петки од градинка или од училиште во годината што ја испраќаме. Така заслужија нова забава но и дружба со Веселиот Дедо Мраз.

Организаторот на забавата, Фондација за локален развој и демократија „Фокус“, заедно со претставничката на Патронажна служба на Здравствен дом Велес и покровителот на предновогодишната забава беа задоволни од постигнатиот успех и постигнаа нов договор со дечињата.

Кулминација на детската забава сепак беше постигната при пеењето на новогодишните песнички и секако при добивањето на новогодишните подароци и пакетчиња.

Станува збор за партнерска и традиционална, 11-та предновогодишна средба, што за деца од Велес ја организираат „Фокус“ и „Бели Мугри“.

Убавка Јаневска

Фотогалерија: