Во недела, голема пролетна крводарителска акција со мото клуб „Носачи на крстот“ во Велес

Општинската организација на Црвен Крст од Велес и мото клуб „Носачи на крстот“, ги покануваат сите граѓани коишто сакаат да дадат придонес за јавното здравје на населението да земат учество на големата пролетна крводарителска акција.

„Крводарителството е врвен чин на хуманоста, не е поврзано со Ковид-19 и е сосема безбедно. Биди хуман, дарувај крв, спаси нечиј живот“, пишува во соопштението на Црвен Крст на РСМ, Општинска организација Велес.

Крводарителската акција ќе се одржи на 17 април, недела, во просториите на Ликовен салон во Велес, со почеток во 08:30 часот и ќе трае до 15:30 часот.

Стефани Манева