Во понеделник, крводарителска акција во Велес посветена на Рацин

Објавено на 6 јуни, 2023 во 11:11

Општинска организација на Црвен крст од Велес, ги повикува сите крводарители, да земат учество на крводарителската акција којашто ќе се одржи на 12 јуни, понеделник, во Ликовен салон Велес, посветена на Коста Солев Рацин. Крводарителската акција ќе започне во 09:00 часот и ќе трае до 14:00 часот.

-Крводарителската акција се одржува во исто време со 60-тото издание на Манифестацијата Рацинови средби. Со дарувањето да дадеме наш придонес за јавното здравје. Како што Рацин стана бесмртен со своејата поезија, така и ние да спасиме што повеќе животи, додадоа од велешки Црвен крст.

Крводарителството е врвен чин на хуманост. Биди хуман, дарувај крв, спаси нечиј живот.

Стефани Манева

Сподели:

Поврзано:

Напиши коментар Откажи одговор

Станете член на ДУМА.мк и споделете го вашето мислење преку коментар. Кликнете тука за да се најавите.

Покренување иницијатива за прибирање предлози за доделување на награда на Општина Велес за најстудент „Проф.д-р Ѓорги Шоптрајанов“ за 2024 година

Врз основа на член 127 од Деловникот на Советот на Општина Велес („Сл.гласник на Општина Велес“ бр.12/07,,3/09,18/10 и 1/21), Одлуката за востановување награда на Општина Велес за најстудент „Проф.д-р Ѓорги Шоптрајанов“ („Сл.гласник на Општина Велес“ бр. 17/07), Комисијата  за општествени дејности покренува иницијатива за прибирање предлози за доделување награда на Општина Велес за најстудент „Проф.д-р Ѓорги Шоптрајанов“ за 2024 година.

1.Награда на Општина Велес за најстудент „Проф.д-р Ѓорги Шоптрајанов“ се доделува на студент од Општина Велес со завршена најмалку втора година од студиите на некој од универзитетите во Република Северна Македонија и акредитираните универзитети во земјата и странство.

2.Наградата не е деллива.

3.Предлози за доделување на награда на Општина Велес за најстудент „Проф.д-р Ѓорги Шоптрајанов“ може да поднесе секој жител на Општина Велес и самиот студент.

Предлозите мора да бидат образложени.

4.Кандидатот за награда на Општина Велес за најстудент „Проф. д-р Ѓорги Шоптрајанов“ треба да ги исполнува следните услови:

-да е жител на Општина Велес;

-да има просечен успех во текот на целото студирање од најмалку 9,50.

Кон предлогот се доставува:

-уверение за предвидени и положени испити издадено од факултетот;

-копија од лична карта и индекс,

-копии од дипломи, награди, сертификати, објавени трудови.

5.При одлучувањето Комисијата за општествени дејности ќе се раководи од следните критериуми:

-Редовно континуирано студирање.

-Просекот во редовното студирање да е над 9.50.

-Учество или освоени награди на државни и меѓународни натпревари.

-Објавени стручни трудови од областа за која се оспособува.

-Учество на државни конгреси или проекти.

-Учество на меѓународни конгреси или проекти.

Предлозите се доставуваат до Совет на Општина Велес, со назнака за Комисија за општествени дејности на ул. „Панко Брашнар“ бр.1 Велес или лично, најдоцна до 04 октомври  2024 година.

Покренување иницијатива за прибирање предлози за доделување на Деветоноемвриски признанија и награда за животно дело „Гемиџии“ за 2024 година

Врз основа на член 127 од Деловникот на Советот на Општина Велес („Сл.гласник на Општина Велес“ бр.12/07,3/09,18/10), Одлуката за востановување 9-то Ноемвриски награди и признанија на Општина Велес („Сл.гласник на Општина Велес“ бр. 7/97; 7/01) и Одлуката за востановување награда за животно дело – „Гемиџии“ („Сл.гласник на Општина Велес“ бр.4/03), Комисијата за општествени дејности покренува иницијатива за прибирање предлози за доделување на Деветоноемвриски признанија и награда за животно дело „Гемиџии“ за 2024 година.

1.Признанијата 9-ти Ноември се доделуваат на поединци, органи, организации, граѓански организации и заедници чие дело и постигнати резултати се од значење за Општина Велес и нејзината афирмација во земјата и светот.

Неопходно е кандидатите за Деветоноемвриски признанија делото за кое се предложени да го афирмирале во јавноста. Предложениот кандидат да е жител на Општина Велес или тематски неговото дело да е поврзано за Општина Велес.

2.Наградата за животно дело „Гемиџии“ се доделува на поединци за постигнати резултати во развојот и афирмацијата на Велес во државата и надвор од неа.

3.Предлози за доделување на Деветоноемвриски признанија и награда за животно дело „Гемиџии“ можат да поднесуваат Градоначалникот, Комисијата за општествени дејности, член на Советот на Општина Велес, органи, организации, политички партии, здруженија на граѓани и поединци.

Предлозите мора да бидат образложени.

4.Предлозите се доставуваат до Совет на Општина Велес, со назнака за Комисија за општествени дејности на ул. „Панко Брашнар“ бр.1 Велес или лично најдоцна до 04 октомври 2024 година.