52 Меѓународен илинденски кајак слалом, викендов, на Матка
Објавено на 20 мај, 2021 во 15:32
На реката Треска во СРЦ „Матка“,викендов , сабота 22 и недела 23 мај ќе се одржи традиционалниот „ИКАС“ – Илинденски кајак слалом 2021.
Покрај домашните ке настапат и кајакари од Србија, Босна и Херцеговина, Грција, Хрватска и Турција.
Пријавени се околу 35 натпреварувачи.
Меѓу нив има и кајакари од Велес. Поточно на „ИКАС“ ќе настапат кајакарите на КК „Вардар“ Ангел Петрушев и Стефан Рибарски.
Исто така, дознаваме дека од останатите велешки клубови кајакари на КК „Арка“ Велес викендов гостуваат на натпревар во соседна Србија. Исто така, кајакарите на КК „Бабуна“ и КК „Гемиџии“ нема учествуваат и на тој начин го искажуваат сопствениот револт за некои состојби во Федерацијата на кајакари на Македонија.
Лазар Лазаревски
