Фудбалерите на Борец конечно ги израдуваа симпатизерите
![](https://duma.mk/wp-content/uploads/2022/04/BORECTKVES1.png)
Во натпревар од 28 коло на првата фудбалска лига на градскиот стадион во Велес стигнаа до победа над цврстиот состав на ФК „Струга Трим Лум“ со резултат од 2:0. Во првите 45 минути не видовме речиси ништо од она што ја краси оваа игра. Се играше на средината на теренот со многу грешки и посетителите помислија декa ова ке биде уште еден резултатски дебакал на Борец.
Во вториот дел сосема друга слика. Домашните напаѓаа и таквата игра вроди со плод. Во 67 минута Ѓоргиев проби по десната страна, испрати употреблив центаршут а Ѓорѓевиќ биеше непогрешливо. По водсвото домашните продолжија со добрата игра и во 78 минута Ѓоргиев се ослободи од своите чувари на кои не им остана ништо друго освен да направат прекршок во шеснaесетникот. Сигурен од белата точка беше Ѓоргиев и Борец поведе со 2:0.
![](https://duma.mk/wp-content/uploads/2022/04/BORECTKVES.png)
Во 90 минута Ѓорѓевиќ беше соборен во гостинскиот шеснаесетник и судијата повторно покажа на белата точка. Ѓоргиев овојпат биеше над голот. Последните неколку минути поминаа во нервозна атмосвера. Гостите како да очекуваа дека лесно ќе победат во Велес и не се надеваа дека ќе наидат на мотивиран противник.
Следното коло Борец му гостува на Тиквеш во Кавадарци.
Лазар Лазаровски
![](https://duma.mk/wp-content/uploads/2021/05/SEMM.jpg)