Годинава педесет млади кошаркари од Велес, на школата во Охрид

Во организација на кошаркарскиот клуб „Борец баскет“ во Охрид се одржува камп на кој оваа година учество земаа пеесетина кошаркари од младинските категории.  По 21-ви пат, традиционално во Извидничкиот центар се одржува школата која ја водат тренерите на „Борец баскет“, Васко Бојчев и Ангел Љутков.

Тренерот Љутков не го крие задоволството од одѕивот и условите на одржување на школата.

-Имаме одлични услови за тренинзи кои ги обавуваме по два пати на ден. Школата работи за непливачи а навечер се организираат забави. Децата се презадоволни. Работиме на физичката и на техничката подготвеност. За крај на кампот предвидуваме натпреварувачки содржини како шутирање тројки и слично за што ќе доделиме и награди, додаде Љутков.

 Кампот во Охрид се одржува секоја година и редовно интересот за него е голем.

Лазар Лазаровски