Kајакар од велешки клуб го освои годинешниот „ ИКАС“
Објавено на 24 мај, 2021 во 10:44
![](https://duma.mk/wp-content/uploads/2021/05/Petrushevpobednik.jpg)
На 22 и 23 мај во Спортско рекреативниот центар „ Матка“, на патеката на реката Треска, се одржа традиционалниот Меѓународен илинденски кајак слалом, годинава по 52 пат. Победник е Ангел Петрушев од ККК„ Вардар“ од Велес пред Марко Ѓоргевиќ од Србија и Лоранд Ѓоши од Италија.
Според зборовите на тренерот Димче Стефановски, Петрушев, уште еднаш ја потврди својата класа. Се работи за талент чии резултати допрва се очекуваат.
![](https://duma.mk/wp-content/uploads/2021/05/Petrushev-i-trenerot.jpg)
Петнаесет дневните подготовки во Словенија, на патеката Тацен, дадоа резултат и ја покажаа исправноста на одлуката Петрушев и Рибарски да ги полнат батериите на една од најпрестижните светски патеки.
Вториот натпреварувач од „Вардар“, Стефан Рибарски, е шести.
Лазар Лазаревски
![](https://duma.mk/wp-content/uploads/2021/05/SEMM.jpg)