Во дербито на втората футсал лига победа на КМФ„Кеги Моби“ и постхумни признанија за играчот и тренерот Ристе Гиовски (ФОТО)
![](https://duma.mk/wp-content/uploads/2021/11/Kegipriznanija1sologo.png)
Вистинско дерби одиграа двата состава и покажаа зошто ги сметаат за најсериозни аспиранти за освојување на првото место во лигата.
Домашните во првото полувреме беа подобри и со головите на Тодоровски во 8 минута и на Трајков во 10 минута имаа предност од два гола.
![](https://duma.mk/wp-content/uploads/2021/11/Kegi1sologo-1.png)
Во второто полувреме кавадарчани се отворија и гледавме шанси на двете страни кои се редеа како на филмска лента.
![](https://duma.mk/wp-content/uploads/2021/11/Kegi2sologo.png)
Гостите со голот на Чоков, во 23 минута, го намалија водсвото и до крајот гледавме неизвесен натпревар. Напаѓачите создадоа по десетина шанси, имаше врвни одбрани ,удари во диреците и покрај нив.
На крајот од натпреварот заслужено победи„Кеги Моби“ пред се поради одбраните на голманот Даниел Стефаноски. Тој не го криеше задоволството.
![](https://duma.mk/wp-content/uploads/2021/11/Kegigolmansologo.png)
-Ова беше одлична средба, со многу шанси. И јас и колегата од спротивната страна бевме на висина на задачата. По три кола имаме три победи, одлично стартувавме, рече Стефаноски.
![](https://duma.mk/wp-content/uploads/2021/11/Kegipriznanija2sologo.png)
Пред почетокот на натпреварот му се оддаде почит на прерано починатиот велешанец Ристе Гиовски, долгогодишен играч и тренер во футсалот. На неговиот син Стојан и внукот Ристе Гиовски клубот им додели постхумни признанија за нивниот татко и дедо кој доби многу натпревари но, за жал поради тешка болест го загуби најзначајниот, животот.
Лазар Лазаровски
![](https://duma.mk/wp-content/uploads/2021/05/SEMM.jpg)