До четврток стабилно време со пораст на температурите
Објавено на 11 април, 2023 во 09:24
Умерено облачно, во североисточните делови со услови за слаб локален дожд. Ќе дува умерен, а долж Повардарието и во источните делови засилен ветер од северен и северозападен правец.
До четврток времето ќе биде стабилно со пораст на дневната температура. Денес и утре долж Повардарието ќе дува повремено засилен северен ветер.
Во петок под влијание на атмосферски фронт на повеќе места се очекуваат поројни врнежи од дожд, грмежи и засилен ветер, локално во форма на невреме. Во сабота ќе настапи преодно стабилизирање, а од недела ќе преовладува променливо облачно време со локален пороен дожд и грмежи.
Дума.мк