Поевтинуваат бензините
Бензините од полноќ поевтинуваат за половина денар, дизелот за два денари по литар, одлучи Регулаторната комисија за енергетика.
Малопродажните цени на „еуросуперот“ од 95 октани и „еуросуперот“ 98 октани се намалуваат за 0,50 денари за литар во однос на предходните цени. „Еуросуперот“ од 95 октани од полноќ ќе се продава за 78 денари за литар, додека „еуросуперот“ од 98 октани ќе се точи за 79,50 денари за литар.
Малопродажнaта цена на „еуродизел“ (Д-Е V) се намалува за 2 денари и ќе се продава за 66 денари за литар.
Екстра лесно масло за домаќинство (ЕЛ-1) поевтинува за 1,50 денари и ќе се продава за 55 денари за литар.
Цена на мазутот се намалува за 0,731 денари и е утврдена на 40,195 денари за килограм.
Со оваа Одлука се врши намалување на рафинериските и на малопродажните цени на нафтените деривати во просек за 2,29 отсто, односно за 1,93 проценти во однос на рафинериските и на малопродажните цени на нафтените деривати утврдени пред две недели.