На еден шалтер ќе се добиваат сите документи !?

Граѓаните само со поднесување на едно барање ќе можат да ги добиваат потребните документи само на еден шалтер. Потоа ќе интервенира самата институција или органот до кој е доставено барањето.

Предлог-законот за прибавување и размена на докази и податоци по службена должност со што институциите се обврзуваат да ја имплементираат реформата која за граѓаните, компаниите и субјектите значи обезбедување на сите потребни документи е усвоен на вчерашната седница на Владата.

„Со донесувањето на предложениот закон ќе се создаде правна основа за задолжително прибавување и размена на докази и податоци по службена должност што, пак, ќе овозможи поефикасна и поедноставна управна постапка, а ќе ги намали административните бариери за граѓаните  во остварувањето на нивните права“ , рече  владиниот портпарол, Александар Ѓорѓиев.