Советот на Центар синоќа одржа јавна седница кај Бристол
Советот на општина Центар синоќа одржа седница под отворено небо, во уништениот парк до хотел „Бристол“. Седницата беше јавна и ја следеа стотина граѓани. Советниците расправаа за сечењето на дрвјата и за другите случувања на оваа локација, кои кај граѓаните на општината предизвикаа голем револт, пренесе ТВ Телма.
Тие упадот во паркот и сечењето на дрвјата со полициска асистенција го оценија како вандалски чин. Претседавачот на Советот Мирослав Шиповиќ потсети дека ДУП-от за оваа локација беше донесен од страна на претходниот Совет, во пет часот наутро, слично како што беа исечени и дрвјата.
На седницата беше речено дека овој Совет на разни начини беше оневозможуван да ги повлече четирите спорни ДУП-ови и дека тоа ќе биде сторено во блиска иднина, а тоа ќе значи и поништување на маркичките за изградба на неколку објекти во Центар.
![](https://duma.mk/wp-content/uploads/2021/05/SEMM.jpg)