Со швајцарски пари ќе се градат пречистителни станици во четири македонски општини
Објавено на 7 октомври, 2014 во 14:40
Со пари од швајцарската Влада, четири помали рурални општини низ кои поминува реката Брегалница ќе градат пречистителни станици, јави Радио Канал 77.
Општините Карбинци, Лозово, Конче и Чешиново – Облешево за овој проект за заштита на Брегалница ќе добијат 900 000 швајцарски франци, а дополнително донаторот ќе инвестира уште 300 000 евра за проект, за кој допрва ќе одлучува.
Во текот на следните две недели ќе се знае и каде ќе се гради Едукативниот центар на природата. Пробиштип и Пехчево наскоро ќе обезбедат дополнителни документи, по што комисијата ќе одлучи која општина ќе го добие овој проект , кој исто така го финансира швајцарската Влада.
