ЕК денеска ќе го објави извештајот за напредокот на земјите кандидати за членки

Европската комисија денеска ќе го објави годишниот извештај за напредокот на земјите кои бараат членство во Европската унија.

Станува збор за Македонија, Албанија, Босна и Херцеговина, Србија, Црна Гора, Косово, Турција и Исланд.

Како што се дознава, Македонија ја задржува препораката за почеток на преговори за членство, со барање до владата, меѓу другото, да ги спроведе итните реформи, како и да се постигне напредок во независноста на судството и слободата на изразувањето.