Сончево, денеска до 19 степени
Објавено: 17 февруари, 2020, во 09:28 часот
Денеска, според прогнозата на УХМР, времето ќе биде сончево и топло со слаб јужен ветер, а максималната температура треба да достигне до 19 степени.
Утре ќе преовладува сончево и топло време со пораст на дневната температура.
В среда облачноста ќе се зголеми, а под влијание на влажен бран в четврток се очекуваат врнежи од дожд, на планините и на некои повисоки места од снег.
Ќе дува умерен до засилен северен ветер, а дневната температура ќе опадне за неколку степени.
Стабилизација на времето и постепен благ пораст на температурите се очекува од петок.
