Време: Променливо, попладне дожд, слично и до крајот на последната пролетна седмица
Објавено: 17 јуни, 2020, во 07:07 часот
јуни 17, 2020
Променливо облачно со слаб до умерен, а во југозападните делови повремено засилен ветер од западен и северозападен правец. Попладне на многу места ќе биде нестабилно со пороен дожд, грмежи и засилување на ветерот.
Максималната температура до 30 степени. УВ=7.
И утре ќе се задржи променливо облачно време, попладне нестабилно, на повеќе места со пороен дожд, грмежи и засилување на ветерот.
В петок ќе биде посончево и потопло со умерен до засилен ветер од западен и северозападен правец, а од сабота повторно ќе има услови за попладневна нестабилност со краткотраен дожд и грмежи. Значи, со вака променливо време ќе ја минеме последната пролетна седмица и ќе влеземе во летото.
