Македонските новинари на протест (фото и видео)
Новинари, сниматели и фоторепортери денеска изглегоа на марш за да го одбранат новинарското достоинство. Пред зградата на Владата, претседателот на Здружение на новинари, Младен Чадиковски, рече дека законите важни за медиумите не се спроведуваат.
-Јавните функционери имаат потценувачки однос кон новинарите и сниматели. Државниот пи-ар ја зема работата на новинарите, снимателите и фоторепортерите. Колеги бркаа со секира, на еден му удрија бокс пред камера, на колешка и бришеа снимки од мобилен телефон, директор пцуеше новинарка, гледаме тужби од бизнисмени и политичари за издржувачки стории…Сакаме да кажеме стоп, треба да се случат промени, додаде Чадиковски.
Претседателот на ССНМ, Павле Беловски истакна дека новинарите не молчеле кога никнувало новинарството во земјата.
-Не замолчевме ни кога не затвораа, тепаа, малтетираа и кога ги губевме нашите работни места. Создадоа џин овде. Тој џин сме ние овде. Тој џин нема намера да молчи и нема да затскрие ништо, освен да ја објави вистината, потенцира Беловски.
Во продолжение погледнете го целосното видео со изјави на Чадиковски и Беловски.
Дума.мк
фото:
