МЗ: Се намалува бројот на пациенти во ковид-центрите, има 847 празни кревети
![](https://duma.mk/wp-content/uploads/2021/05/brza-pomos-kaj-infektivna-43-1-1024x574.jpg)
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 883. Има околу 847 празни болнички кревети, соопшти Министерството за здравство.
Во изминатите 24 часа во ковид – центрите во Скопје се хоспитализирани 34 нови пациенти поради компликации од коронавирусот. Вкупно се лекуваат 384 лица. Во изминатите 24 часа дома се пуштени 49 оздравени пациенти од ковид – центрите во Скопје.
„Бројот на приеми во Скопје изминативе денови се намалува и утрово до 8 часот имало 332 слободни места. Се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка“, велат од МЗ.
![](https://duma.mk/wp-content/uploads/2021/05/SEMM.jpg)