По пожарите потребни се пет децении за обнова на шумите
Откако започнаа пожарите илјадници хектари шуми се уништени. Според Македонското шумарско претпријатие, ќе бидат потребни 50 години за обнова на опожарените површини.
Директорката на Јавното претпријатие на Националната шума, Јулијана Николова, наведува дека штетата не може да се утврди во овој момент, бидејќи прво треба да се запрат пожарите.
-Откако ќе престанат елементите, имаме екипи кои излегуваат на терен за да ја утврдат направената штета, материјална и финансиска, но и пошироко. Зависи од видот на дрвјата и на која површина се наоѓаат, така што ќе ги направиме сите проценки откако ќе престане пожарот, рече Николова, пренесува РСЕ.
До синоќа на територија во земјава имаше шест активни пожари, од кои три со поголем интензитет, три други беа локализирани, а еден е ставен под контрола.
Во Центарот за управување со кризи состојбата со пожарите се следи преку системот НИКС (Next generation incident command) кој дава податоци во реално време и кои потоа се дигитализираат, а како помош во справувањето со огнените стихии во земјава се вклучија и експерти за високоризични пожари од Франција, Црна Гора и САД.
