Пожар на југот на Шпанија: 2.000 луѓе евакуирани
Објавено на 9 јуни, 2022 во 13:06
Поради шумски пожар во планините на југот на Шпанија, 2.000 луѓе се евакуирани од центарот на градот Бенахавис во Андалузија, а тројца пожарникари се повредени, соопштија денеска властите.
„Мораме да известиме дека тројца пожарникари се здобиле со изгореници од различни видови, а најтешко повредениот се здобил со изгореници на 25 отсто од телото и бил евакуиран во болница во Малага“, изјави за новинарите Хуанма Морено, регионалниот премиер на Андалузија.
Во гаснењето на пожарот учествуваат дури 200 пожарникари од локалната бригада, 50 од други градови и 100 воени лица.
