Се намалуваат цените на бензините и дизелот
Објавено на 5 септември, 2022 во 14:03
Според денешната одлука, бензините ќе се намалат за два, а дизелот за 1,5 денар
Од полноќ се намалуваат цените на горивата одлучи Регулаторната комисија за енергетика (РКЕ).
Малопродажните цени на бензините ЕУРОСУПЕР БС-95 и на ЕУРОСУПЕР БС-98 се намалуваат за два денара по литар, а на ЕУРОДИЗЕЛ (Д-Е В) за 1,5 денар. За три денари поевтинува и Екстра лесното масло за домаќинство (ЕЛ-1).
Новите цени ќе изнесуваат:
ЕУРОСУПЕР БС 95 – 85,5 денари за литар;
ЕУРОСУПЕР БС 98 – 88 денари за литар;
ЕУРОДИЗЕЛ БС (Д-Е В) – 98 денари за литар;
Екстра лесното масло за домаќинство (ЕЛ-1) 94,5 денари.
Според одлуката на РКЕ, за 0,277 денари се намалува цената и на мазутот М-1 НС и еден килограм ќе се продава за 52,463 денари.