Временска прогноза: Облачно со повремени врнежи од дожд
Објавено на 22 ноември, 2023 во 08:19
Времето во Македонија денеска ќе биде претежно облачно со повремени врнежи од дожд со слаб, а наместа со умерен интензитет. Ќе дува слаб до умерен ветер од јужен, а попладне долж Повардарието од северен правец.
Минималната температура ќе биде во интервал од 4 до 7 степени, а максималната ќе достигне 15.
Во Скопје облачно со слаба магла и со повремен слаб дожд. Попладне ќе дува слаб до умерен северен ветер.
До петок ќе преовладува променливо облачно време, по одделни котлини со појава на магла. Значителна промена на времето ќе има во сабота кога ќе има пообилни врнежи од дожд, (локално и над 25 l/m2), а попладне ќе преминуваат во снег и во некои од пониските места. Ќе дува засилен северен ветер и температурите позначително ќе опаднат.
Дума.мк
