Западот планира да ја ограничи цената на руската нафта, очекуваат намалување на цените на горивата
Објавено: 27 јуни, 2022, во 12:07 часот
Западните лидери кои се собраа на состанокот на Г7 одлучија да се обидат да ја ограничат цената на руската нафта, изјавија неименувани официјални лица за Си-Ен-Ен.
Се уште не се знае како, кога и колку ќе се ограничи цената на руската нафта, а се уште се работи на прецизен механизам за воведување рестрикции.
Бидејќи цените на нафтата драстично пораснаа, приходите од руската нафта всушност растат и покрај санкциите. Западните лидери сакаат да ги намалат приходите на Русија од земјите кои сè уште ја купуваат нејзината нафта.
Не е јасно како тие имаат намера да го направат ова. Неименуван функционер пред Си-Ен-Ен сугерирал дека земјите од Г7 имаат влијание преку мрежите за транспорт на нафта што би можело да помогне во спроведувањето на ограничувањата.