Во Дубаи наскоро ќе се патува без пасош ?

22.03.2021

Дубаи им понуди на сите патници програма со која ќе ги заменат сите свои лични хартиени и дигитални документи со мрежница од окото.

Постои тенка линија помеѓу светот каде технологијата помага во подобрување на нашите животи и некои футуристички дистопии во кои земјите знаат сè за нас и го следат секој наш чекор, додека приватноста станува само некаков архаичен и егзотичен термин.

Така, може да се опишат некои реакции на неодамнешното воведување на технологија на мрежница и препознавање на лица на аеродромот во Дубаи.

Благодарение на оваа технологија, патниците што влегуваат и ја напуштаат земјата повеќе нема да имаат потреба од пасош или каков било друг хартиен, па дури и дигитален документ, пишува Зимо.

Наместо пасош или лиценца за да се качат во авионот, сè што патниците ќе треба да направат е да погледнат во специјална камера.

Минатиот месец, аеродромот во Дубаи ја понуди оваа програма на сите патници чии податоци за мрежницата се поврзани со државните бази на податоци, така што врз основа на нивниот ирис, технологијата препознава за која личност станува збор за неколку секунди.

Покрај забрзувањето на самиот процес, од аеродромот во Дубаи велат дека ова е уште еден начин да се спречи ширењето на коронавирусот бидејќи целиот процес е бесконтактен и нема пристап или размена на документи меѓу патниците и службените лица.

„Иднината доаѓа“, изјави за Асошиејтед прес Обаид Мехајер Бин Сурур, заменик директор на владината канцеларија за престој и надворешни работи, нагласувајќи дека сега „сите процедури станаа паметни“ на аеродромот.

 Секако, несомнено е дека тој е навистина во право во овој поглед и дека приложувањето на пасош и проверка на пропусницата е многу побрзо, но секоја употреба на таква технологија го покренува и прашањето за приватност.

Имено, аеродромот поврзува лица, односно податоци за мрежницата со податоци како што се бројот на пасошот и информации за летот и ги чува онолку колку што е разумно потребно за целите за кои се користат, па останува непознато колку долго овие податоци навистина ќе бидат зачувани во базата на податоци на аеродромот.

Со цел да се намали документацијата, оваа технологија исто така ќе биде тестирана во некои услуги поврзани со приватниот сектор.

Се разбира, можеме да најдеме и бројни критики за ваквата технологија преку интернет, па за АП Џонатан Френкл од МИТ изјави дека која било форма на технологија за надзор бара претпазливост, без оглед на земјата во која се користи.

Мите Јаначков