Submit to FacebookSubmit to Google PlusSubmit to TwitterSubmit to LinkedIn

spormetabolizam fin

Човековото тело не е совршено и не е секогаш со идеална телесна тежина, затоа мора да внимаваме на исхраната и на внесот на калории. Најчесто, математиката е едноставна, доколку се внесуваат помал број на калории, организмот ќе троши од залихите и на тој начин ќе се губат вишокот на килограми. Сепак, многу лица се соочуваат со спор метаболизам и забавена работа на цревата и покрај тоа што се придржуваат до ова правило.

Метаболизмот може да се успори толку што секоја храна која ќе се консумира почнува да се согорува поспоро и на тој начин се таложи во телото, наместо истата да дава енергија. Во тие случаи, лицата кои се соочуваат со овој проблем, едноставно не успеваат да ослабат и им се чини дека се што ќе консумираат останува во нивното тело. Така, за брзо време се откажуваат од самодисциплината во исхраната. Колку и тоа нас да ни изгледа само како изговор, забавениот метаболизам не е мит и е проблем со кој се соочуваат многу лица. Предизвикувачите на оваа состојба може да бидат повеќекратни, а некои од нив може да укажуваат на сериозни здравствени проблеми. Во продолжение ви претставуваме дел од причините кои го успоруваат метаболизмот.

Покачено ниво на хормонот кортизол

Покаченото ниво на кортизол е многу честа појава кај многу лица, иако истите не се свесни за тоа. Овој хормон се покачува кога сме под долготраен стрес . Во ситуациите кога организмот се брани од стресот, сметајќи дека е во опасност ја таложи храната. Кога сте под стрес подолго време, работите на стресно работно место или пак имате проблеми во домот, голема е можноста да имате високо ниво на овој хормон.

Зголемено ниво на инсулин

Од една страна, високото ниво на инсулин предизвикува дебелина, а од друга страна, дебелината предизвикува високо ниво на инсулин и дијабетес. Затоа, тешко е да се разграничи кој што предизвикува. Но, која и да е причинита, лесно е да се утврди нивото на инсулин со едноставен лабараториски тест и да се преземат соодветни мерки.

Намалена функција на штитната жлезда

Штитната жлезда лачи хормони, кои влијаат на бројни функции во организмот, вклучувајќи ја и дигестијата на храната. Кога оваа жлезда работи успорено, односно лачи помалку хормони, тоа значи дека лицето е заболено од хипотиреоидизам. Во најголем број случаи виновник за ова заболување е Хашимото синдромот, специфична состојба на организмот каде штитната жлезда се напаѓа сама себе. Затоа, доколку забележите дека сте поуморни од вообичаено, ви опаѓа косата или ви се замаглува видот, обратете се кај вашиот доктор. Со одредени лекови лесно е да се контролира работата на штитната жлезда, па на тој начин и метаболизмот ќе се врати релативно во нормална состојба.

Ниско ниво на хормонот естроген и староста

Овој проблем може да се појави во менопауза, иако е утврдено дека кај жените овој хормон опаѓа со годините. Затоа, со текот на годините на жените им е се потешко да ги држат килограмите под контрола. Во секој случај, опаѓањето на нивото на естроген го забавува метаболизмот. Некои истражувања покажаа дека на жените им се потребни дури 200 калории помалку во текот на денот после 50-тата година, а после 35-тата година на организмот му е потребно дупло повеќе време од претходно за да ја свари истата количина на храна.

Ниско ниво на тестостерон и намалена мускулна маса

Ова е всушност и објаснувањето зошто на мажите секогаш им е полесно да ослабат. Тестостеронот го забрзува метаболизмот, бидејќи ја зголемува мускулната маса. Мускулите од друга страна, ги користат мастите за да се одржат, па зајакнувањето на мускулите и зголемувањето на нивото на тестостерон е добар начин за природно да се намалат маснотиите и да се забрза метаболизмот. Некои истражувања покажаа дека е доволно да се зема тестостерон во синтетичка форма и така да се намали телесната тежина, додека други тврдат дека е најдобро на природен начин да се покачи нивото на овој хормон. Тоа може да се постигне со вежбање и зголемување на мускулната маса.

Консумирање на некои лекови

Докажано е дека некои лекови, како што се стероидите, антидепресивите и бета блокаторите, ја намалуваат работата на метаболизмот. Доколку мора да ги консумирате, обидете се да бидете активни, да вежбате и на природен начин да го забрзате вашиот метаболизам. Секако во консултација со вашиот доктор и доколку тоа го дозволува вашата здравствена состојба.

Не се храните доволно

Иако звучи нелогично, но изгладнувањето води до успорена работа на метаболизмот и зголемување на килограмите. Причината за тоа е всушност многу едноставна. Нашето тело е програмирано само да преживи кога се изгладнуваме и го препознава тоа како опасност и ги чува стите преостанати залихи, а тоа се маснотиите. Во исто време, се што во меѓувреме ќе изедеме, тој поспоро го разлага, плашејќи се дека ако пребрзо го исфрли од организмот повторно ќе има дефицит на хранливи состојки. Затоа, колку и да ви изгледа чудно, јадете редовно доколку сакате да ослабете.

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

DIMITRIJACUPOVSKI1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново