Жена од Саудиска Арабија осудена на 34 години затвор поради користење на Твитер (ФОТО)
Жена од Саудиска Арабија, студентка на Универзитетот Лидс во Велика Британија, која се вратила дома на одмор, е осудена на 34 години затвор затоа што имала профил на Твитер каде што следела и ретвитувала активисти.
Специјалниот суд за тероризам на Саудиска Арабија ја објави пресудата само неколку недели по посетата на американскиот претседател Џозеф Бајден на Саудиска Арабија, за која активистите за права предупредија дека може да го охрабри кралството да ја засили репресијата против дисидентите и другите продемократски активисти.
Како што пишува „Гардијан“, случајот го означува најновиот пример кога престолонаследникот Мохамед бин Салман ги таргетира корисниците на Твитер во неговата кампања на репресија, додека истовремено контролира голем индиректен удел во американската компанија за социјални медиуми преку саудискиот суверен богат фонд (PIF).
Салма ал Шехаб (34), мајка на две деца, првично беше осудена на три години затвор за „злосторството“ користење на интернет страница за „предизвикување јавен немир и дестабилизирање на граѓанската и националната безбедност“.
Но, апелациониот суд сега донесе нова пресуда, според која таа е осудена на 34 години затвор, бидејќи јавниот обвинител побара од судот „да ги земе предвид и другите наводни кривични дела“.
Salma al-Shehab, 34-year-old Saudi women's rights activist, PhD candidate @UniversityLeeds and mother of two young children has been sentenced to 34 years in prison followed by a 34 year travel ban.
— Dr. Nina Ansary (@drninaansary) August 17, 2022
HER CRIME: Using @Twitter #SaudiArabia pic.twitter.com/pCKqI1QOBS
Според преводите на судските документи, до кои има пристап „Гардијан“, новите обвиненија вклучуваат наводи дека Шехаб „им помагала на оние кои сакаат да предизвикаат јавен немир и да ја дестабилизираат цивилната и националната безбедност следејќи ги нивните профили на Твитер“ и ретвитувајќи ги нивните твитови.
Шехаб не е меѓу водечките или посебно активните саудиски активисти, ниту во самото кралство ниту во Велика Британија.
Таа се опиша себеси на својот профил на Инстаграм – каде што имаше 159 следбеници – како дентален хигиеничар, медицински едукатор, докторанд на Универзитетот во Лидс и предавач на Универзитетот принцезата Нора бинт Абдулрахман, и како сопруга и мајка на двата сина Ноа и Адам.
На нејзиниот Твитер профил имала 2.597 следбеници.
Меѓу твитовите за Ковид и сликите на нејзините деца, Шехаб понекогаш ги ретвитуваше твитовите на саудиските дисиденти кои живеат во егзил, повикувајќи на ослободување на политичките затвореници во кралството.
