Submit to FacebookSubmit to Google PlusSubmit to TwitterSubmit to LinkedIn


moknafotografija fin

 

2.02 2020
Пишува Жаклина Цветковска

Рецензираме текст со наслов „Моќна фотографија на даскалите Христијан Мицкоски и Гоце Делчев “. Oбјавената фотографија на лидерот на опозицијата, веднаш до споменикот на Гоце Делчев e направена за време на митингот на ВМРО-ДПМНЕ во Струмица.

Повод за овој текст е како што е наведено „моќната фотографија“, која упатува на историското значење на Делчев, но во истиот контекст е ставен и лидерот на ВМРО-ДПМНЕ Мицкоски и неговата порака од митингот дека за Делчев и другите историски личности од Илинденското востание нема преговарање, зашто тие се Македонија.

Во било која конотација, макар и од партиски митинг или да се работи за партиско соопштение, несоодветно е историско изедначување на партиски лидери и историски личности, особено не со историска фигура каква што е револуционерниот деец Гоце Делчев.

Со направеното вредносно изедначување и двајцата се именуваат со даскали, асоцирајќи на учителската професија на Делчев и универзитетскиот професор Мицкоски.

Во овој случај , различен временски и историски контекст и различна историска улога на значајни личности се употребени за „возвишување“ на партиски лидер во изборна кампања. Се користи и моментот на неусогласените ставови помеѓу Македонија и Бугарија за конфликтот околу националноста на Делчев за да се промовира став на политичка партија околу ова прашање.

И тоа не е спорно во изборна кампања на политика партија, која ги пренесува своите ставови и програмски определби и секако ги користи најсилните аргументи за добивање на поддршка кај гласачкото тело. Спорно е асоцијативното историско изедначување.

Најблаго речено неумесноста се „чита“ и од поместените биографии на Делчев и Мицкоски во написот, повторно асоцирајќи на иста историска вредност.
Фотографијата, колку и да е професионално или уметнички добро направена и моќна, што не е предмет на оценка или дискусија, во овој случај недвојбено е употребена за да се привлече гласачкото тело.

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.



 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново